- Dikkat Portal
- 19.02.2026
-
-
-
Yükleniyor
Yükleniyor
نعت شریف
ای روح مشخص که بتون جانلره جانسڭ
اغیاره نهانسڭ دل یارانه عیانسڭ
بویڭدر ایدن گللره ایراث روایح
رویڭله ده مهر و مهه انوار فشانسڭ
هر ذره سنڭ لمعهٔ وجهڭله پاریلدار
ظاهرده فقط مهر خفی اللمعانسڭ
حسن أزلی عاشق حسن أزلڭدر
بر اویله جمیلسڭ که جماللرده نهانسڭ
عشقڭدر ایدن صورت هستییی نمایان
عشقڭله که آیینهٔ امکان و مکانسڭ
دنیاده یره دوشمدی گولگهڭ فقط ای نور
عقباده رئوس بشره سایهرسانسڭ
ای نخبهٔ مخلوق احد گلمدی مثلڭ
والله و بالله عهيد دو جهانسڭ
امید کرم ایتمهدهدر صالح طالح
سن کان کرم ملجأ آفتزدگانسڭ
عطف نظر ايت حالنه بيچاره كمالڭ
بیچارهلره لطف ایله دائم نگرانسڭ
ابن الأمین محمود کمال اینال
Naat-i Şerif
Ey rûh-i müşahhas ki bütün canlara cansın
Ağyâre nihansın dil-i yârana iyansın
Bûyundur eden güllere îrâs-i revâyîh
Rûyinle de mihr ü mehe envâr-feşansın
Her zerre senin lem'a-i vechinle parıldar
Zahirde fakat mihr-i hafiyyül-lemeansın
Hüsn-i ezelî âşık-ı hüsn-i ezelindir
Bir öyle cemilsin ki cemallerde nihansın
Aşkındır eden sûret-i hestîyi nümâyân
Aşkınla ki âyîne-i imkân ü mekânsın
Dünyâda yere düşmedi gölgen fakat ey nûr
Ukbada rü'ûs-i beşere sâye-resansın
Ey nuhbe-i mahlük-i ahad gelmedi mislin
Vallahi ve billahi ahîd-i dü cihansın
Ummîd-i kerem etmededir sâlih ü tâlîh
Sen kân-ı kerem melce-i âfetzedegânsın
Atf-ı nazar et hâline bîçâre Kemâl'in
Biçârelere lutf ile dâim nigeransın
İbnülemin Mahmut Kemal İnal
Yorumlar:
Yorum Yazabilirsiniz.