- Dikkat Portal
- 19.02.2026
-
-
-
Yükleniyor
Yükleniyor
1. Gün Naat: YUNUS EMRE
اول عالم فخرى محمد نبيلر سروريدُر
وير صلوات عشقيله اول گناهلر اريدور
حق آنى اوگدى ياراتدى سودى حبيبم ديدى
ير يوزنده جمله چيچك مصطفانڭ تريدر
جبرائيل دعوت قيلنجه معراجه محمدى
معراجنده ديلهدوگى امتنڭ واريدر
سن آڭا امت اولىگور او سنى محروم قوماز
هر كيم آنڭ امتيدر سكز جنت يريدر
هر كيم آنڭ سنت ايله فرضنى قائم طوتار
نه ديهم كه عاقبت صورى حسابدن بريدر
صوچلى صوچسز گناهكار شفاعت آندن اومار
اول جهنمده يانانلر منكرڭ انكاريدر
يونس امرهم اشبو سوزى جان ايچنده سويلهدى
سويلهين بيچاره يونس طاپدوق امرهم سرّيدر
Yunus Emre (ö. 1320-1321)
1. Ol 'âlem fahri Muhammed nebîler serveridür
Vir salâvât 'ışkıla ol günâhlar eridür
2. Hak anı ögdi yaratdı sevdi Habîb'üm didi
Yir yüzinde cümle çiçek Mustafâ'nun teridür
3. Cebrâîl da'vet kılınca Mi'râc'a Muhammed'i
Mi'râc'ında diledügi ümmetinün varıdur
4. Sen ana ümmet olıgör o seni mahrûm komaz
Her kim anun ümmetidür sekiz Cennet yiridür
5. Her kim anun sünnet ile farzını kâ'im tutar
Ne diyem ki ‘âkıbet sorı-hisâbdan beridür
6. Suçlu suçsuz günahkâr şefâ'at andan umar
Ol Cehennem'de yananlar münkirün inkârıdur
7. Yûnus Emrem iş bu sözi cân içinde söyledi
Söyleyen bî-çâre Yûnus Tapduk Emrem sırrıdur
Yunus Emre Dîvânı, s.65-66
Yorumlar:
Yorum Yazabilirsiniz.