- Dikkat Portal
- 19.02.2026
-
-
-
Yükleniyor
Yükleniyor
گوڭل نور جمالكدن حبيبم بر ضيا ايستر
كوزم خاك رهكدن ای طبيبم توتیا ايستر
صفاى سينهمه ظلمت ويرن ژنكِ كناهمدر
امان ای كان احسان ظلمت قلبم جلا ايستر
یتش امداده ای شاه رسالت روز محشرده
كه درد بیدوای معصيت سندن شفا ايستر
نه آب ديدهدن راحت نه آه سينهدن امداد
بنم بار كناهم لطف شاه انبیا ايستر
صارلدم دامن احسانكه ای شافع امت
دخيلك يا محمد خسته جانم بر دوا ايستر
كل رخساركکه مفتون اولانلر شبههسز سنسز
نه ملك و مال و جان ايستر نه ده ذوق و صفا ایستر
نوله بر كره شاد اولسون جمال باكمالکله
كه كمتر بندهكز اسعد صكا اولمق فدا ايستر
Naat-i Şerif
Gönül nûr-ı cemâlinden habîbim bir ziya ister
Gözüm hâk-i rehinden ey tabîbim tûtiyâ ister
Safa-yı sîneme zulmet veren jeng-i günahımdır
Amân ey kân-ı ihsan zulmet-i kalbim cilâ ister
Yetiş imdada ey şâh-ı risâlet rûz-ı mahşerde
Ki derd-i bî-devâ-yı masiyet senden şifa ister
Ne âb-ı dîdeden rahat ne âh-ı sineden imdâd
Benim bâr-ı günâhım lütf-u şâh-ı enbiyâ ister
Sarıldım dâmen-i ihsanına ey Şâfi'-i ümmet
Dahîlek ya Muhammed hasta canım bir deva ister
Gül-i ruhsarına meftun olanlar şübhesiz sensiz
Ne mülk ü mâl ü cân ister ne de zevk u safa ister
N'ola bir kere şâd olsun cemâl-i bâ-kemâlinle
Ki kemter bendeniz Es'âd sana olmak feda ister
Şeyh Esad Erbili
Yorumlar:
Yorum Yazabilirsiniz.