18. Gün Naat: FUZÛLÎ

عشْرَقَتْ مِنْ فَلَكِ الْبَهْجَةِ شَمْساً وَ بَهَا
مَلَأَ الْعَالَمَ نُوراً وَ سُرُوراً وَ بَهَا

چیقدی بر كون كه ضیاسنده تمامئ رسل
اولدی محو اویله كه خورشید شعاعنده سها

اولدی بازار جهان رونقی بر در یتیم
كه دكل ايكى جهان اول دره بها

رتبۀ حكمتِ معراجِ كمالنه كوره
حكما فرقۀ دون فلسفه جمعِ سفها

منهئ معرفتی حال دیلیله دائم
قیلور اهل حقه اسرار حقیقت انها

نیجه تقریر ایده‌یم وصفنی اول شاهك كيم
آكا وصاف اوله یاسین و معرف طاها

ای فضولی ره شرعنی طوت اول راهبرك
بو طریق ایله ضلالتدن اوزك ایله رها

Aşrakat min feleki’l-behceti şemsen ve behâ
Melâ el-âleme nûren ve sürûren ve behâ

Çıktı bir gün ki ziyâsında tamâmî-i rüsül
Oldu mahv öyle ki hur-şîd şu’â’ında Sühâ

Oldu bâzâr-i cihan revnakı bir dürr-i yetim
Ki değil, iki cihan haslı ol düre beha

Rütbe-i hikmet mi'rac kemalına göre
Hukemâ fırkâ-i dûn felsefe cem’i-süfehâ

Münhi-i ma’rifeti hâl deliyle dâ’im
Kılur ehl-i Hak’a esrâr-i hakikat inhâ

Nice takrîr edeyim vasfını bir şâhın kim
Ana vassâf ola Yâsin ü mu’arrif Tâhâ

Ey Fuzûlî reh-i şer’ini tut ol râh-berin
Bu tarîk ile dalâletten özün eyle rehâ

FUZÛLÎ